कार्यालयको दैनिक काम सजिलो, छिटो र व्यवस्थित बनाउन प्रयोग गरिने कम्प्युटर तथा अन्य विद्युतीय सामग्री, हार्डवेयर र सफ्टवेयरको एकीकृत रूपलाई अफिस अटोमेसन भनिन्छ।

ATM = Automated Teller Machine
MICR = Magnetic Ink Character Recognition

पैसा निकाल्ने (Cash Withdrawal) र खाता जाँच्ने (Balance Enquiry) सुविधा पाइन्छ। अत्याधुनिक ATM बाट Cash Deposit, Balance Transfer र Bill Payment सुविधा पनि पाइन्छ।

चेक सक्कली हो वा नक्कली भनी पत्ता लगाउन र नक्कली नोट पत्ता लगाउनका लागि MICR को प्रयोग गरिन्छ।

एकै दरका नोटहरू छिटो र सही तरिकाले गनी नतिजा देखाउने विद्युतीय उपकरणलाई Cash Counting Machine भनिन्छ।

ATM मेसिन, Cash Counting Machine, MICR, कम्प्युटर, ल्यापटप, स्क्यानर, फोटोकपी मेसिन, फ्याक्स मेसिन, CCTV क्यामेरा, मेटल डिटेक्टर, टेलिफोन, बायोमेट्रिक डिभाइस, टोकन डिभाइस र डिजिटल डिस्प्ले बोर्ड।

• जुनसुकै बेला पैसा झिक्न सकिन्छ
• खाताको Balance जाँच गर्न सकिन्छ
• Cash Deposit र Balance Transfer गर्न सकिन्छ
• Bill Payment गर्न सकिन्छ
• बैङ्क नगई पनि सेवा लिन सकिन्छ, समय बचत हुन्छ

चेकमा एक प्रकारको Unique Character प्रिन्ट गरिएको हुन्छ। MICR उपकरणले त्यो Character पढेर चेक सक्कली हो वा नक्कली भनी पहिचान गर्छ। यसबाहेक केही MICR उपकरणले नक्कली नोट पत्ता लगाउने काम पनि गर्छन्।

अफिस अटोमेसनले कार्यालयको काम छिटो, सजिलो र व्यवस्थित बनाएको छ। यसले सेवामा त्रुटि घटाएको छ, समय बचत गरेको छ र सेवाग्राहीलाई भरपर्दो एवं विश्वसनीय सेवा प्रदान गर्न सहयोग गरेको छ।

बैङ्किङ क्षेत्रमा प्रयोग हुने अफिस अटोमेसनका सामग्रीहरूले बैङ्कको दैनिक कार्यलाई छिटो, सजिलो र भरपर्दो बनाउन ठुलो सहयोग गर्दछन्। ATM मेसिनले सेवाग्राहीलाई जुनसुकै बेला पैसा झिक्ने र खाता जाँच्ने सुविधा दिन्छ, जसले बैङ्कमा लाइन लाग्नुपर्ने झन्झट घटाउँछ। Cash Counting Machineले नोट गन्ने काम छिटो र त्रुटिरहित बनाउँछ, जसले सेवाको विश्वसनीयता बढाउँछ। MICRले चेक सक्कली हो कि नक्कली छिटै पत्ता लगाई कारोबारलाई सुरक्षित बनाउँछ। यीबाहेक कम्प्युटर, स्क्यानर, CCTV क्यामेरा, बायोमेट्रिक डिभाइस जस्ता उपकरणले अभिलेख राख्ने, सुरक्षा दिने र पहिचान प्रमाणित गर्ने काममा सघाउँछन्। यसरी यी सबै उपकरणले मिलेर बैङ्किङ सेवालाई सजिलो, छिटो र भरपर्दो बनाएका छन्।

डेबिट कार्ड त्यस्तो Payment Card हो, जसको प्रयोग गरी प्रयोगकर्ताले आफ्नो खातामा भएको पैसा ATM मार्फत झिक्न सक्छन् र Bill भुक्तानी पनि गर्न सक्छन्। Visa वा Master Card को लोगो भएको डेबिट कार्ड जहाँसुकै प्रयोग गर्न सकिन्छ, जसले खल्तीमा नगद बोकेर हिँड्नुपर्ने अवस्थाको अन्त्य गरेको छ। क्रेडिट कार्ड भने बैङ्कले ग्राहकको आम्दानीको स्रोत र मासिक आम्दानी अध्ययन गरी आफ्ना विश्वासिला ग्राहकलाई मात्र दिने कार्ड हो। यसले खातामा पैसा नभए पनि तोकिएको सीमासम्म ऋण स्वरूप नगद प्रयोग गर्न दिन्छ, जुन रकम निश्चित समयभित्र ब्याजसहित बैङ्कलाई फिर्ता गर्नुपर्छ। यी दुवै कार्डको प्रयोगले बैङ्किङ सेवालाई सेवाग्राहीमैत्री, भरपर्दो, सजिलो र छिटो बनाएको छ।